Bloque Nacionalista Galego

Reformular a fiscalidade sobre a vivenda con criterios redistributivos.

Incrementar a súa progresividade: que pague máis quen máis renda obtén.

Deflactar as tarifas do IRPF en función da taxa de inflación na Galiza.

Estabelecer distintos tipos de gravame en función da natureza dos rendementos, minorando a tributación polos ingresos do traballo e aumentando a correspondente aos derivados do capital.

Modificar a normativa reguladora, elevando os limites de exención dos gastos por axudas de custo e por locomoción retribuídos a traballadores e traballadoras de 0,19€ por km a 0,30€ por km,

Estabelecer a súa progresividade en función da dimensión da empresa.

Reducir a imposición do IVE de bens e servizos esenciais, así como os bens de carácter cultural, para que tributen no tramo superreducido.

Estabelecer a rebaixa permanente do IVE de produtos de alimentación básica, produtos do mar, elementos de hixiene persoal e feminina, transporte público de pasaxeiros, investimentos en eficiencia enerxética e enerxías renovábeis no ámbito doméstico e nas pequenas e medianas empresas.

aos beneficios da banca, das grandes enerxéticas e ás grandes fortunas, reducir os límites de exención, aumentar a súa progresividade e traspasar a súa xestión á Galiza.

Promover a eficacia das actuacións de prevención e loita contra a fraude e a evasión fiscal con dotación de medios e recursos suficientes

Prohibir a contratación e a recepción de axudas públicas ás empresas que posúen, directa ou indirectamente, sociedades domiciliadas en paraísos fiscais sen actividade económica real xustificativa.

Elevar, con carácter global, o investimento en materia de protección social até o situar, como mínimo, no gasto medio do conxunto da Unión Europea, asegurando o

Incrementar a progresividade do novo sistema de cotización das traballadoras e traballadores autónomos en función dos seus ingresos reais.

Facilitar a participación das pequenas e medianas empresas na contratación pública, con todas as garantías legais de integridade e transparencia públicas

Aplicar un incremento da porcentaxe de redución da base impoñíbel do IS do 10 % ao 25 %, pola denominada reserva de capitalización ás entidades de reducida dimensión ou PEMES,

Estabelecer deducións adicionais para empresas cuxa actividade complemente ciclos produtivos inseridos nos sectores estratéxicos galegos.

O saneamento dos sectores industriais en crise e unha política real de reindustrialización baseada no impulso á

O Estado debe facilitar todos os medios económicos e normativos para que a Xunta de Galiza conte cos recursos necesarios para acometer un Plan de Industrialización

o estabelecemento da obriga de devolver as axudas públicas, as subvencións ou as bonificacións por aquelas empresas que deslocalizaron a súa produción.

Promoción e fortalecemento da construción naval en Galiza, tanto no ámbito privado como no público, mediante a modernización tecnolóxica e a renovación dos cadros de persoal

Converter NAVANTIA-Ferrol nun complexo industrial integral con diversificación da súa actividade, que incorpore a construción naval civil

Demandar do Goberno estatal a participación da Xunta na xestión do PERTE (Proxecto Estratéxico para a Recuperación e a Transformación Económica) para o sector naval.

Exixir o cumprimento dos compromisos e a continuidade da actividade e do emprego de ALCOASan Cibrao, prevendo mesmo a intervención pública da factoría.

Elevar, progresivamente, o investimento estatal en I+D+i até o situar no 3 % do PIB en 2030.

Elaborar un Estatuto do Persoal de Investigación que inclúa a todo o persoal investigador, técnico e de xestión científica co obxectivo de garantir dereitos mínimos en canto a retribucións, a progresión da carreira investigadora e a estabilidade laboral

Reducir e simplificar a burocracia para favorecer a produtividade, a motivación e o estímulo na produción científica.

Promover a transparencia, a integridade, a diversidade e a inclusión no ámbito científico e investigador a través de políticas activas que sancionen condutas fraudulentas, persigan o acoso sexual ou calquera irregularidade nos concursos públicos

Incremento do Salario Mínimo Interprofesional até o situar no 60 % do salario medio, tal e como fixa a Carta Social Europea.

Garantir a revalorización salarial anual das empregadas e empregados do sector público.

Garantir condicións laborais e salariais dignas e estábeis

Equiparar os dereitos laborais e a remuneración dos contratos de formación como en calquera actividade laboral.

Garantir a remuneración das prácticas, asegurando que sexan unha experiencia formativa e de aprendizaxe para as estudantes e non unha substitución dun traballador ou traballadora

Promover a implantación da xornada laboral de 35 horas semanais sen redución salarial.

Derrogación íntegra das contrarreformas laborais que consolidaron a mudanza aprobada en 2021 e impulso dunha modificación integral do Estatuto do traballo para restituír, entre outros dereitos:

Os 45 días de indemnización por despedimento improcedente

A autorización administrativa nos despedimentos colectivos

Medidas que poñan control á subcontratación para a equiparación real de dereitos dos traballadores e traballadoras e para que haxa un refortalecemento da negociación colectiva.

Eliminar as Empresas de Traballo Temporal (ETT), a subcontratación en cadea e as falsas/os autónomas/os.

Impulsar un plan de acción contra a sinistralidade laboral que abranga a promoción do emprego estábel naqueles sectores con maiores taxas de sinistralidade, un maior control e fiscalización das empresas e sectores que acumulan un elevado número de accidentes no traballo

Deseñar políticas de fomento do emprego xuvenil coa finalidade de crear emprego estábel e unhas condicións laborais dignas

Reforzar o Servizo Público de Emprego (SEPE) e garantir a cobertura de todas as persoas sen ocupación.

Que non se poidan producir descolgues dos convenios por parte das empresas

Que non poida haber modificación das condicións laborais ou de xornada sen que exista un acordo previo coa representación laboral

A prevalencia dos convenios sectoriais sobre o da empresa —non só nos salarios— así como a prevalencia dos convenios de ámbito provincial ou galego sobre os convenios de ámbito estatal

Desenvolver un Marco Galego de Relacións Laborais, é dicir, ter como obxectivo convenios de ámbito galego, mais tamén que, en todo o caso, os convenios de nivel superior ao de empresa teñan prevalencia sobre os de rango inferior e tamén os estatais.

Impulsar a protección das persoas arrendadoras fomentando, entre outros, contratos máis longos e estábeis.

Ampliar os criterios de recargo do IBI de forma que promovan unha maior mobilización da vivenda baleira.

Incorporar nos programas estatais de vivenda medidas e recursos para mobilizar a vivenda baleira cara á súa ocupación e cara ao aluguer accesíbel

Transferencia dos activos da SAREB (entidade de xestión de activos inmobiliarios das entidades financeiras saneadas) situados na Galiza, para incorporación nunha Bolsa de vivendas e inmóbeis para fomento da vivenda pública social en Galiza.

Aumentar o investimento destinado á vivenda até alcanzar os 250 euros por habitante.

Transferir de forma gratuíta as vivendas, solos e promocións da SAREB, de forma que permitan aumentar a oferta de parque público de vivenda do IGVS alí onde exista demanda.

Evitar a degradación, o alleamento e a privatización do patrimonio público do solo e da vivenda, nomeadamente de entidades estatais como ADIF, INVIED ou Portos do Estado, procurando o seu uso como vivendas e espazos públicos e a cesión ás CCAA.

Modificar os criterios e a xestión de axudas á rehabilitación e mellora da eficiencia enerxética, incluíndo os fondos europeos, co fin de lograr que sexan máis accesíbeis para as persoas máis vulnerábeis.

Garantir o acceso da mocidade como un dos actores prioritarios ao parque de vivenda pública.

Incrementar as reservas mínimas de solo de vivenda protexida, especialmente para actuacións de renovación e rexeneración urbanas.

Incremento das pensións mínimas até situalas no 60 % do salario medio.

Revalorización anual das pensións conforme ao IPC real.

Recuperar a xubilación ordinaria aos 65 anos e a parcial aos 61 anos.

Garantía de sostemento do sistema público de pensións a través da supresión do veto ao financiamento público, con cargo aos orzamentos e aos impostos que gravan a riqueza.

Mudar o período de cálculo da base reguladora, que deberá realizarse a partir dun período de 10 anos escollidos pola persoa beneficiaria.

Fixar coeficientes redutores da idade de xubilación para as traballadoras e traballadores de profesións cuxo grao de penosidade aínda non foi recoñecido, como o naval, e a súa ampliación para o sector pesqueiro ou o sector marisqueiro.

Impulsar as accións necesarias para garantir os dereitos, especialmente de xubilación, do persoal investigador beneficiario de bolsas predoutorais e posdoutorais anteriores a 2011.

Exixir o cumprimento por parte do Goberno español das súas obrigas en materia de financiamento do SAAD, así como reclamar o pagamento da débeda contraída coa Galiza

Tamén para poder estabelecer unha renda social básica que permita desfrutar de condicións de vida dignas e participación social plena a toda a poboación galega, sen exclusións de ningún tipo.

Reclamar a transferencia á Galiza do Ingreso Mínimo Vital (IMV) para garantir unha xestión máis áxil e acaída á realidade galega, permitindo a creación dunha verdadeira Renda galega de inclusión social e laboral.

Aplicar un programa específico de loita contra a pobreza e contra a exclusión social.

Garantir o dereito da autonomía persoal das persoas con discapacidade a través de medidas como o desenvolvemento da figura da asistencia persoal.

Estabelecer o acceso directo ao 33 % xunto co diagnóstico para as persoas con enfermidades neurodexenerativas.

Achegar máis recursos económicos para impulsar instalacións deportivas accesíbeis, dirixidas especialmente a persoas con discapacidade e con mobilidade reducida.

Aumentar o financiamento da sanidade pública, até como mínimo a media de investimento por habitante da UE, co incremento do valor dos parámetros de dispersión e envellecemento da poboación,

Garantir o dereito á asistencia sanitaria con carácter universal, cunha nova Lei de Universalización,

Ampliar a Carteira de Servizos comúns do sistema público de saúde, coa transferencia económica precisa ás CC. AA., que permita prestacións como o acceso ás prestacións ortoprotésicas ou a rehabilitación a doentes con déficit funcional recuperábel para todas as persoas que as precisen, con financiamento 100% público;

así como as prestacións sanitarias actualmente fora da atención primaria, ou só parcialmente financiadas como asistencia odontolóxica, podoloxía, óptico-optometrista, terapia ocupacional, logopedia...

Impulsar de maneira decidida a investigación das denominadas enfermidades raras, garantindo o seu financiamento público de forma adecuada.

Estabelecer as liñas prioritarias de investigación en saúde da muller, con financiamento suficiente, para avanzar no coñecemento das doenzas que lle afectan,

Estabelecer indicadores de xénero nos protocolos de autorización e validación de ensaios clínicos.

Garantir representación equitativa de mulleres e de homes nos ensaios clínicos.

Traspasar as competencias en materia de saúde penal á Xunta de Galiza para ser asumida polo Servizo Galego de Saúde,

Garantir o carácter público da sanidade e reducir as súas posibilidades de privatización, mediante unha modificación da Lei 15/97, sobre habilitación de novas formas de xestión do Sistema de Saúde, que asegure que a titularidade, o financiamento, a xestión e a provisión de servizos sanitarios se fará con entidades exclusivamente públicas.

Impulso dun plan de prevención e actuación para a saúde mental dirixido á mocidade, destinando recursos económicos e materiais suficientes para o seu tratamento.

Eliminar a taxa de reposición de persoal como norma básica de obrigado cumprimento en todo o Estado,

Transferir a Galiza todas as competencias relacionadas cos programas de formación MIR, EIR, PIR... e incrementar o número de prazas consonte as necesidades reais que presenta o SERGAS de cobertura de profesionais.

Levar a cabo as medidas normativas necesarias para garantir coa maior urxencia o dereito do persoal estatutario dos servizos de saúde á xubilación anticipada e parcial,

Actualizar as clasificacións das profesionais da sanidade pública para adaptalas aos criterios formativos, ás funcións e ás responsabilidades actuais.

Modificar o Estatuto Marco para reforzar os dereitos das traballadoras e traballadores da sanidade pública e o exercicio das súas competencias na xestión da sanidade pública.

Elaborar o currículo profesional do persoal TCAE, acorde coa actividade laboral que desempeñan, e outorgarlle o nivel 3 que lle corresponde de clasificación profesional, así como derrogar a disposición transitoria 3.ª do EBEP, aplicando o seu artigo 76.

Regular legalmente a figura das e dos biólogos sanitarios e proceder a incluír este persoal na Lei 44/2002 de 21 de novembro de Profesións Sanitarias.

Modificar o marco legal actual que regula a participación económica das usuarias/os da sanidade pública no financiamento da prestación farmacéutica para pór fin ao modelo actual de copagamentos e repagamentos

A creación do servizo de igualdade de xénero e diversidade sexual a cargo dunha profesional con formación e dedicación específica en todos os centros de ensino.

que a Galiza poida organizar e ordenar o sistema educativo mediante unha Lei Galega de Educación que regule o noso sistema educativo até o Bacharelato, unha Lei Galega da Formación Profesional, unha Lei de Ensinanzas Artísticas Superiores que permita que os centros que imparten estas ensinanzas poidan adscribirse á universidade e unha Lei do Sistema Universitario Galego.

Transferir ao goberno galego todas as competencias pendentes, garantindo a plena capacidade para deseñar e desenvolver un modelo educativo propio.

Traspaso de todos os programas educativos e dos centros educativos e formativos situados na Galiza adscritos á administración central e de todas as competencias para poder elaborar os plans de estudo e os deseños curriculares en todas as etapas educativas, así como a política de bolsas de estudo para ensino non-universitario;

Garantir a plena e exclusiva competencia en xestión do persoal docente: regular os corpos e especialidades docentes, fixar o sistema de acceso á función pública docente, con plena autonomía para suprimir as taxas de reposición de efectivos nas ofertas de emprego público e así poder dotar o ensino público do profesorado que precise;

A materia de Relixión non formará parte do currículo escolar, xa que é incuestionábel que a difusión da fe relixiosa corresponde ao ámbito privado e familiar.

Dotar o sistema educativo de maiores niveis de calidade, apostando polo crecemento dos orzamentos destinados á educación até lle dedicar, como mínimo, 7 % do PIB.

Reverter os aspectos lesivos mantidos ou introducidos pola nova lexislación en materia de ensino na LOMLOE, LOSU e Lei de FP.

Elaboración dun protocolo estatal para a prevención, detección e tratamento do acoso escolar e o ciberacoso.

Promover un modelo educativo fundamentado no dereito universal á educación de todos e todas as galegas de 0 a 18 anos e obrigatoria de 3 a 18 anos, sustentado nunha única rede de ensino, a pública, con servizos complementarios, con libros de texto, material escolar e actividades extraescolares gratuítas.

controlando que o modelo de segregación desapareza dos centros que reciben fondos públicos e aplicando medidas sancionadoras no caso do incumprimento da lei.

No camiño da supresión dos concertos en todos os niveis educativos, eliminación destes no ensino non-obrigatorio e control do financiamento alleo aos concertos nos centros sostidos con fondos públicos.

Defender unha reforma da Lei Orgánica do Sistema Universitario (LOSU) que defina claramente o modelo de universidade pública e permita exercer todas as competencias no ámbito galego mediante unha lei propia que evite a privatización do SUG

Regular a avaliación propia do persoal docente e investigador a través dunha ACSUG reforzada e coordinada co resto de axencias autonómicas e coa ANECA,

Incrementar o financiamento das universidade públicas, tomando como referencia o 1,5 % do PIB, para evitar que continúen co camiño de privatización encuberta,

Transferir á Galiza as competencias e medios materiais da Universidade a Distancia (UNED), da Universidade Internacional Menéndez Pelayo e das entidades dependentes do Centro Superior de Investigacións Científicas.

Garantir o dereito a estudar e realizar os exames da UNED en galego, nomeadamente nos centros situados na Galiza.

Supresión das taxas de reposición para garantir estabilidade ao novo profesorado investigador e asegurar

Transferir a competencia da xestión e da concesión de bolsas e axudas ao estudo universitario, superando o actual modelo de repartimento e garantindo o acceso universal á ensinanza superior.

Transferencias das competencias das bolsas universitarias á Xunta de Galiza, superando o actual modelo de distribución entre a poboación e garantindo así o acceso á ensinanza superior.

Estabelecer un sistema de fiscalidade ambiental nos ámbitos da enerxía, o transporte, a contaminación e os recursos naturais, cuxa finalidade, máis que recadatoria, sexa a modificación de condutas que inciden negativamente sobre o medio.

En materia de residuos e contaminación dos solos, impulso de políticas de redución, recuperación e reciclaxe de residuos e priorización da compostaxe dos

Isto é básico para poder estabelecer unha Tarifa eléctrica galega baseada nun modelo tarifario que abarate o prezo da electricidade

Estabelecer a permanencia da rebaixa do IVE da electricidade, gas, biomasa para quecemento e madeira para leña no 5 %, e do resto de subministracións básicas.

Estabelecer a permanencia da rebaixa do Imposto Especial sobre a Electricidade (IEE) do 5,1 % ao 0,5 %.

A necesidade de que a Galiza fique libre de eólica mariña e da minaría submarina, nomeadamente nas Áreas Mariñas Protexidas e nas Áreas Mariñas de Importancia Ecolóxica ou Biolóxica, incluíndo o Banco de Galiza frente ás costas galegas.

Fomentar unha transformación enerxética que dea prioridade a un modelo de xeración e produción de enerxía eléctrica distribuída, a menor escala e máis próxima aos centros de consumo, ao control público da enerxía

Impulsar unha tarifa eléctrica galega que considere, a través de redución nas peaxes do transporte, o papel da Galiza de nación excedentaria na produción eléctrica

Modificar a estrutura do sistema eléctrico, reformando a configuración da factura enerxética para pór fin á especulación das grandes eléctricas e garantindo

Reformar a lei do sector eléctrico, de forma que a Galiza poida decidir sobre as instalacións enerxéticas de máis de 50MW e desenvolver plenamente o artigo 27.13 do actual Estatuto de Autonomía.

Retirada dos POEM e declaración do litoral galego como espazo non apto para a instalación de parques eólicos mariños offshore, tanto en augas interiores como no mar territorial

Recuperar as garantías ambientais e a participación cidadá na implantación de proxectos eólicos, rectificando as medidas incorporadas no RDL 20/2022

Colaborar coa Galiza na planificación das tecnoloxías precisas para a transición enerxética e da súa zonificación, sometendo esta planificación a unha avaliación ambiental estratéxica

Impulso da consideración da electricidade como ben básico para a poboación, garantindo o acceso da poboación cun mecanismo que supere a formulación do bono social e as súas carencias, e prohibindo definitivamente os cortes de subministro.

Impulso do aforro enerxético, do descenso do impacto medioambiental e da soberanía enerxética, así como a aposta por unha política decidida de fomento das enerxías renovábeis e da redución do consumo de combustíbeis fósiles en todos os sectores consumidores.

Impulso dunha verdadeira Axenda para o desenvolvemento do autoconsumo enerxético sustentábel en colaboración cos territorios

Impulso á recuperación das concesións dos encoros (en moitos casos outorgadas durante o franquismo) e á súa transferencia á Galiza como base para a creación dunha empresa pública galega en materia de enerxía.

Estatuto especial para as empresas electrointensivas e mantemento dos postos de traballo.

Impulso de concursos de transición xusta para a Galiza respecto dos megavatios liberados no peche das centrais, de forma que se incentiven proxectos industriais con investimento e creación de emprego nos concellos afectados

Impulso e colaboración na creación dun gran centro para o almacenamento enerxético e a investigación e innovación.

Garantía de seguimento, diálogo e concreción das medidas de transición enerxética a través da convocatoria regular das mesas de transición e da aprobación dos correspondentes Convenios de Transición Xusta.

Compensación da débeda histórica do Estado coas comarcas mineiras galegas polo incumprimento e pola exclusión dos sucesivos Plans do Carbón.

Compromiso de mantemento da prohibición da fractura hidráulica (fracking) e doutras técnicas semellantes pola súa perigosidade para o medio e para a saúde.

En materia de tramitación ambiental de plans e proxectos, garantir a participación social, a información pública e o procedemento de avaliación ambiental, nomeadamente na tramitación de proxectos industriais de implantación de enerxías renovábeis.

Tamén se afrontará o traspaso das competencias sobre as bacías hidrográficas (transferencia plena da confederación hidrográfica Miño-Sil).

O saneamento integral e a rexeneración ambiental e produtiva das rías galegas.

Impulso do saneamento integral e da rexeneración das rías galegas, transferindo á Galiza os recursos necesarios, así como a capacidade para a aprobación e a execución das infraestruturas hidráulicas

Traspaso AP-9 (Ferrol-A Coruña-Vigo) e AP53 (Santiago-Lalín) e nacionalización destas infraestruturas para acabar co espolio económico que representan actualmente.

Implantar un servizo de proximidades ferroviarias nas principais cidades galegas, aproveitando as infraestruturas existentes ou creando aquelas novas que foren necesarias, así como recuperando apeadoiros e estacións agora en desuso

Actualizar a rede interior ferroviaria galega nunha intervención que debe incluír, cando menos, actuacións nos tramos A Coruña–Ferrol (incluíndo as obras do bypass de Betanzos), A Coruña–Lugo e Vigo–Fronteira Portuguesa

Completar as obras do Corredor Atlántico de Mercadorías

Solucionar a integración e a humanización das liñas de ferro ao seu paso por vilas e cidades, asegurando, en cada caso, a adopción dos proxectos que mellor se adapten

Incrementar as frecuencias e mellorar os horarios das conexións ferroviarias na Galiza, especialmente na liña do AVANT, así como rebaixar os prezos e estabelecer bonificacións para as persoas usuarias frecuentes.

Rematar as obras pendentes de execución no AVE, particularmente a finalización das obras na variante de Ourense, e as provisións dos trens Avril.

Promover as medidas pendentes para a seguridade ferroviaria, como a implantación do Plan de Seguranza Ferroviaria ou a creación da Autoridade Independente de Investigación de Accidentes.

AP-9 galega, pública e libre de peaxes. O BNG reclamará, máis unha vez, a transferencia da autoestrada á Xunta da Galiza e a finalización da concesión da infraestrutura para lograr a gratuidade

Transferencia á Galiza e liberalización da AP-53 para conseguir que esta autoestrada quede finalmente libre de peaxes.

Finalización dos tramos pendentes de execución da A-54, Arzúa-Melide e Melide-Palas de Rei

Licitación das obras e inicio dos traballos da A-74 na Mariña, única infraestrutura viaria alternativa á N-642 na comarca

Execución dos tramos pendentes na Galiza da A-76 que permitirán conectar máis axilmente as comarcas do sur de Lugo e a cidade de Ourense entre si

Solución urxente e rápida para o viaduto do Castro na A-6, axilizando as obras das pontes nos dous sentidos da circulación

Mellora das infraestruturas viarias para garantir maior seguranza e reducir o número de accidentes. Especial atención, pola súa vulnerabilidade, deben ter as motocicletas e as bicicletas

Para lograr un transporte de mercadorías moderno é preciso dotar os distintos portos galegos de intermodalidade e de conexión ao transporte ferroviario e de autoestradas ferroviarias.

defensa de medidas de redución do tránsito motorizado e de fomento da mobilidade amábel (modelo Pontevedra) frente a restricións relacionadas co tipo e coa antigüidade dos vehículos

Promover o transporte colectivo entre a mocidade menor de 30 anos a través de bonificacións nas viaxes en transporte por estrada e por ferrocarril.

Garantir a aplicación dos acordos internacionais, os Convenios sobre Diversidade Biolóxica e os acordos da COP 15 (2022) no relativo á protección de 30 % das terras e das augas consideradas importantes para a biodiversidade de aquí a 2030.

Transferencia á Galiza dos recursos financeiros destinados á protección da biodiversidade, especies ameazadas, espazos naturais e rexeneración de espazos degradados.

Desenvolvemento de plans de protección e preservación das especies mariñas protexidas, procurando a súa compatibilidade coas actividades económicas e sociais tradicionais.

Limitación e control estrito da importación de especies foráneas, sementes de moluscos etc., para a repoboación, e potenciación dos ciclos pechados para a produción de especies autóctonas

Posta en marcha de xeito efectivo dunha rede de alerta temperá ante especies invasoras.

Desenvolvemento de labores de seguimento para as capturas accidentais das especies mariñas ameazadas, así como medidas paliativas

Creación dunha rede equipada de bases de loita contra a contaminación do medio mariño ao longo de todo o corredor marítimo frente á costa galega.

Revisión e derrogación da prórroga concedida a ENCE na ría de Pontevedra por contravir a normativa de Costas, a directiva europea de servizos e o Plan de Ordenación do Litoral (POL)

Demanda dun programa permanente de inspección e seguimento do estado e seguridade do vertedoiro de 140.000 toneladas de residuos nucleares na Foxa Atlántica

Consideración das diferentes variedades de eucalipto como especie exótica invasora e inclusión no correspondente catálogo, coa conseguinte limitación do seu cultivo

Desenvolvemento de plans de recuperación de solos contaminados, nomeadamente os contaminados por lindano e por outros materiais tóxicos procedentes de actividades industriais.

Exixir unha reforma da Lei da Cadea Alimentaria para impedir a venda por baixo dos custos de produción

Defensa dunha PAC axeitada á realidade produtiva do noso Sector Primario, como pode ser a incorporación de novos ecoesquemas ou a revisión da superficie admisíbel nos pastos arbustivos.

Derrogación, adaptación ou suspensión para o territorio galego do RD 1051/2022 de Nutrición Sustentable dos Solos.

Apoio aos circuítos curtos de comercialización e de transformación por parte das propias persoas produtoras e aposta pola produción diferenciada e de calidade.

Recoñecemento xurídico da propiedade comunal do monte e aprobación de medidas fiscais que incentiven o uso e aproveitamento multifuncional.

Fomentar axudas directas para a incorporación da mocidade no sector primario e medidas complementarias para as que continúan a súa actividade

exixiremos o cumprimento do estabelecido na DA7 da lei de pesca, introducida grazas a unha emenda do BNG, que exixe ao Goberno remitir ás Cortes unha proposta para garantir o voto telemático das e dos mariñeiros embarcados nas frotas de altura.

Precisamos que sexa a Galiza a que negocie directamente os tratados pesqueiros con terceiros países.

O recoñecemento da Galiza como “zona altamente dependente da pesca”.

A revisión do chamado “principio de estabilidade relativa” para garantir unha distribución equitativa e axustada ás capacidades produtivas da Galiza.

O recoñecemento da capacidade directa de negociación da Galiza, a súa participación e consentimento naquelas cuestións de especial relevancia en materia pesqueira, nomeadamente, na reforma ou na revisión da PPC.

A negociación da distribución equitativa de cotas de pesca para a frota galega, que parta da capacidade extractiva do sector.

A exixencia de que a pesca artesanal fique exenta de TAC e cotas.

A redución do IVE aos produtos pesqueiros.

Evitar o acoso que sofre a xente do mar con catro corpos de inspección (Gardacostas de Galiza, funcionarios do Ministerio, Garda Civil e funcionarios da UE), concentrando esa función no corpo de Gardacostas de Galiza.

Elaboración dun catálogo de enfermidades profesionais propias dos traballadores e traballadoras do mar

Convenios colectivos que garantan condicións laborais dignas para os tripulantes de pesca de altura, grande altura e litoral.

a actitude da representación do BNG nas Cortes españolas será dupla. Por unha parte, a de levar alí todos os problemas que afectan o noso pobo e sexan competencia estatal, propondo alternativas viábeis e defendéndoas sempre coa vontade de os resolver.

Transferencia das competencias en materia de relacións laborais, co obxectivo de que a Galiza teña plena capacidade lexislativa e normativa para estabelecer un marco galego de relacións laborais

Transferencia das competencias en materia de Seguranza Social e pensións, co obxectivo de garantir un sistema sanitario e de atención social ben financiado e unhas pensións dignas para as persoas xubiladas.

Traspaso das competencias en infraestruturas de transporte de interese xeral: portos de interese xeral, aeroportos e control de tráfico aéreo na Galiza, alén de estradas e camiños de ferro que discorren por territorio galego.

Transferencia das competencias en materia de costas e do dominio público marítimo-terrestre, tanto as normativas para aprobar unha lei galega de protección do litoral adaptada á realidade do país como as de intervención e xestión

Transferencia das competencias e servizos de salvamento marítimo e gardacostas, así como dos centros do Instituto Español de Oceanografía na Coruña e en Vigo.

Traspaso competencias en materia deportiva do Consello Superior de Deportes e das federacións deportivas. Galiza participará, con pleno dereito, en todas as disciplinas, nas competicións deportivas internacionais oficiais.

Supresión das deputacións provinciais, co traspaso de competencias e funcións á Galiza e aos concellos, evitando a creación de estruturas institucionais substitutivas.

Transitoriamente, en tanto non se abordaren as anteditas reformas de maior alcance, derrogación da reforma local que limita a autonomía neste ámbito e a prestación de servizos públicos municipais.

O estabelecemento dun espazo galego de libre decisión en materia marítima e pesqueira, desde a transferencia das competencias dos portos de interese xeral do Estado,

Transferencia á Galiza das entidades dependentes do Centro Superior de Investigacións científicas (CSIC) e dos centros do Instituto Español de Oceanografía (IEO).

Transferir as competencias en materia enerxética (planificación, ordenación, redes de transporte e distribución, xestión oferta/demanda, impulso modelo descentralizado e de proximidade) e alcanzar o compromiso do Estado para que sexa preceptivo o acordo coas comunidades autónomas nos plans de ámbito estatal

é preciso reclamar as competencias plenas en materia de transporte, acompañadas do financiamento necesario, que permitan que o Goberno galego poida desenvolver unha política de transportes pensada para garantir a mobilidade interna

Transferir á Galiza as liñas interiores para seren xestionadas a través dunha empresa pública galega de transporte ferroviario (GALTRÉN)

o BNG seguirá a defender que se transfiran á Galiza as estradas pertencentes á Rede de estradas do Estado que transcorren integramente por territorio galego

Reclamar a transferencia á Galiza da competencia sobre os aeroportos galegos, para a súa xestión integral co fin de artellar un sistema aeroportuario integral galego,

Instar a transferir ao Goberno galego os portos de interese xeral na Galiza, como son os de Vigo, Marín, Vilagarcía de Arousa, A Coruña e Ferrol-San Cibrao.

traspaso á Galiza de todas as competencias en materia de ambiente; nomeadamente as seguintes: Costas, Ordenación e Xestión do Litoral e do Medio Mariño, Salvamento Marítimo e loita contra a contaminación, meteoroloxía, centros de investigación, portos de interese xeral e bacías hidrográficas

Transferencia plena das competencias de ensino á Galiza para poder contar cun ensino público e de calidade adaptado ás nosas características nacionais

Traspasar as competencias en materia deportiva do Consello Superior de Deportes e das federacións deportivas.

Un novo modelo de financiamento baseado no concerto económico e na bilateralidade co Estado. Trátase de que a Galiza recade todos os impostos e teña capacidade para decidir como os inviste

Posta en marcha dunha Facenda Galega, como instrumento esencial do novo modelo de financiamento.

Que se considere, entre os criterios considerados para o repartimento dos fondos, o noso déficit histórico en investimentos e infraestruturas

a Galiza non só debe ver recoñecido o dereito de autodeterminación, senón que debe ter tamén a posibilidade de o exercer. Isto implica que a Galiza poida asumir a soberanía por medio dun proceso constituínte propio na perspectiva de creación dun estado galego soberano, a República da Galiza.

promoveremos e apoiaremos as mudanzas legais precisas que posibilitaren a convocatoria de referendos vinculantes en asuntos de interese, incluído o dereito de autodeterminación

Garantir a participación das seleccións galegas con pleno dereito, en todas as disciplinas, nas competicións deportivas internacionais oficiais.

Garantir a presenza normalizada da lingua e das producións culturais galegas en RTVE, así como o incremento das horas de desconexión territorial en lingua galega e a recuperación de Radio 4, emisora exclusivamente en galego.

Reforma da Lei do Audiovisual para garantir a plena igualdade de todas as linguas oficiais do Estado. Exixir ás plataformas a dispoñibilidade das producións do seu catálogo con dobraxe e lexendaxe en galego

Impulsar os convenios para o ensino do galego como segundo idioma na educación secundaria e nas Escolas Oficiais de Idiomas noutros territorios do Estado.

Exixir o aumento do cofinanciamento das principais institucións lingüísticas e culturais do noso país.

Asegurar a plena normalización do uso da lingua galega por parte da administración central, encomezando polo coñecemento do galego entre o funcionariado

Garantir o estrito respecto da nosa toponimia por parte de todos os organismos da administración do Estado, así como exixir o respecto pola legalidade por parte das apps de xeolocalización que seguen a utilizar nomenclatura deturpada.

Creación de xulgados exclusivos de violencia machista, nos que tamén se inclúa o tratamento dos delitos sexuais, en Lugo, Ourense, Compostela, Ferrol e Pontevedra.

Acometer a normalización no ámbito da administración da Xustiza, tornando o galego lingua de uso preferente nas resolucións, así como nas comunicacións e notificacións de oficio dos órganos administrativos.

Impulsar reformas que aporten maior transparencia e control público na Lei de Segredos Oficiais e na Lei de Seguranza Nacional.

Inhabilitación directa de cargos públicos e representativos que cometan fraude fiscal ou cando se detecten operacións económicas propias —ou en conivencia co seu contorno familiar e profesional— a través de paraísos fiscais

Regulación estrita das portas xiratorias e das incompatibilidades; concretamente a supresión da posibilidade de acordar a compatibilidade profesional polas propias Cámaras daquelas persoas que ostentaren

Modificación da normativa de contratación pública, implantando a transparencia na contratación negociada e directa, publicando nos perfís de contratación as licitacións negociadas.

Reforma estrutural da normativa electoral: implantación do método proporcional directo (cota Hare); estabelecemento da Galiza como circunscrición electoral; eliminación das porcentaxes mínimas do 5 % para conseguir representación

Voto dos tripulantes embarcados en altura e grande altura.

Recoñecer o dereito das mozas e dos mozos de 16 e 17 anos a poderen votar nas diferentes convocatorias electorais.

Garantir a atención presencial sen cita previa en todas as oficinas da Administración, facilitando a accesibilidade aos servizos públicos cando sexa preciso.

Supresión das restricións de carácter normativo para a xestión pública directa de servizos públicos, respectando así a autonomía de cada institución.

Reestruturación administrativa e adelgazamento do aparello do Estado. Supresión da administración periférica do Estado e tamén dos departamentos ministeriais con competencias transferidas.

Derrogación da Lei de Amnistía de 1977, que segue a impedir as reivindicacións e o amparo xudicial das vítimas de crimes contra a súa vida e dignidade cometidos durante o réxime franquista

o BNG seguirá a loitar pola recuperación dos demais bens espoliados polo ditador Francisco Franco e pola súa familia (Casa das Cunchas, Casa Cornide, Esculturas de Abraham e Isaac…).

Traspaso das competencias en materia de seguranza pública, policía xudicial e fiscal, así como garda de tránsito, para o que será despregado o corpo da Policía Galega.

Impulso do combate á trata e á explotación de seres humanos a través de medidas integrais e da protección das vítimas cun enfoque de dereitos

Derrogación íntegra da Lei Mordaza por favorecer a discrecionalidade policial e indefensión das e dos cidadáns.

Debe tamén prohibirse o uso de pelotas de goma, as devolucións en quente e eliminarse o principio de presunción de veracidade que se outorga á declaración dos axentes.

Reclamar a derrogación dos preceptos que vulneran o dereito á intimidade, á presunción de inocencia e á tutela xudicial efectiva, contidos en varias novas normas aprobadas polo Goberno de coalición de PSOE e UP como son a LO 1/2020 de utilización dos datos do Rexistro de pasaxeiros, a LO 7/2021 de uso de datos persoais na prevención de delitos, ou a LO 9/2022

Revisar a lexislación en materia de violencia sexual, de forma que o consentimento sexa o elemento central, en liña coas exixencias e acordos do Convenio de Istambul, sen requirir ás vítimas demostración de resistencia ou de secuelas físicas

Derrogación da prisión permanente revisábel, por ser unha forma encuberta de manter a cadea perpetua e ir en contra do principio de reinserción social

reclamar o traslado á Galiza das galegas e dos galegos que cumpren penas de prisión noutros territorios do Estado.

Derrogación do delito de desordes públicas agravadas, por limitar e afectar o libre exercicio dos dereitos fundamentais de reunión e manifestación.

Derrogación do delito de “ofensas ou aldraxes” aos chamados “símbolos ou emblemas” nacionais, por anacrónico, caduco e restritivo do dereito á liberdade de expresión.

Modificación das infraccións e sancións recollidas na Lei Estatal do Deporte, que actualmente están a penalizar condutas como a exhibición de faixas ou bandeiras

Peche dos Centros de Internamento para Estranxeiros (CIEs) no Estado español e fin das deportacións

Renegociar os acordos Schengen en favor dunha acción decidida en prol de políticas novas de migracións internacionais e de desenvolvemento.

Impulsar as reformas lexislativas necesarias para garantir os dereitos da poboación migrante (vivenda, traballo, atención sanitaria, educación...) así como favorecer e facilitar os procesos de

Dotación dos recursos humanos e materiais necesarios ás oficinas de estranxeiría para garantir a debida atención, no tempo e na forma, da poboación migrante, refuxiada e/ou solicitante de asilo.

Erradicación de calquera forma de discriminación e actitude racista nas administracións públicas.

Garantía de cumprimento do dereito internacional en materia de protección da poboación migrante, refuxiada e/ou solicitante de asilo.

Defender no seo da Unión Europea unha política de migracións respectuosa co dereito de asilo político,

Incremento da transferencia dos fondos económicos destinados ao cumprimento do Pacto de Estado contra a violencia machista, impulsando, de maneira decidida, o seu cumprimento e desenvolvemento.

exixiremos a revisión dos criterios de repartición dos recursos económicos dirixidos á administración local e galega para que teñan en conta a realidade específica galega

Introdución da perspectiva de xénero en todas as políticas públicas como elemento transversal, promovendo a erradicación de calquera forma de

Introdución do termo feminicidio na lexislación española e impulso dun Estatuto de Vítima de Feminicidio para unha abordaxe integral da violencia machista.

Xeralizar a elaboración de Informes forenses de valoración de risco complementarios aos policiais, así como revisión do sistema VioGén para mellorar o seu grao de eficiencia e eficacia.

Destinar fondos estatais para incrementar e reforzar os servizos do Imelga.

Impulso das mudanzas necesarias para estender os mecanismos de xeolocalización do agresor a partir daqueles casos con valoración de risco medio.

Impulsar medidas concretas e específicas dirixidas á formación obrigatoria de todos os axentes, organismos e institucións implicados, directa ou indirectamente, coa prevención e intervención frente á violencia machista, comezando polas forzas e corpos de seguridade e a xustiza.

Impulso das mudanzas legais oportunas para combater calquera forma de violencia machista no ámbito dixital e garantir a debida persecución destes delitos

Impulsar medidas estratéxicas conducentes á abolición da prostitución desde unha perspectiva que puna e persiga o proxeneta e prostituidor, ficando as mulleres prostituídas libres de calquera criminalización

Ofrecer unha rede de cobertura que garanta a liberdade para deixar a prostitución a todas as mulleres que así o queiran cubrindo as súas necesidades persoais básicas

Inclusión no Pacto de Estado do impulso a unha rede pública de centros de media estadía para o desenvolvemento persoal integral das mulleres en situación de prostitución que decidan deixar de exercela.

Impulsar as reformas necesarias para introducir factores de corrección nas convocatorias de I+D+i que permitan acabar coas discriminacións por razón de xénero na carreira investigadora.

Impulsar accións e políticas decididas para promover a igualdade no deporte e a participación das mulleres en todas as disciplinas deportivas, tanto no deporte base como no profesional.

Envellecemento digno e sen LGBTfobia, con plans formativos específicos destinados aos profesionais do sector sociosanitario das residencias de terceira idade.

Loita contra os delitos de odio, garantindo unha correcta estatística e a promoción de medidas encamiñadas a erradicaren a discriminación.

Promoción de medidas positivas para a inclusión laboral

A supresión de calquera tipo de subvención ou axuda pública e a imposición de sancións para organizacións que teñen como obxectivo a negación e a vulneración dos dereitos das persoas LGBT ou que se expresen neste sentido.

A inclusión de contidos transversais e específicos no ensino obrigatorio e universitario, co fin de garantir a formación de profesorado e alumnado.

A concienciación e formación das e dos profesionais da sanidade a respecto das necesidades específicas de saúde sexual e reprodutiva das persoas LGBTI.

Protección das persoas trans migrantes permitindo o recoñecemento legal da súa identidade na documentación.

Impulsar as mudanzas legais necesarias para impedir esta práctica a través de terceiros países.

Recoñecemento legal das familias monoparentais en orixe, por decisión propia, e impulso dunha lexislación específica

Impulso de políticas de apoio á conciliación persoal e de coidados incluíndo a compensación económica das reducións de xornada, a garantía de ingresos en períodos de excedencia e a achega económica da Administración Xeral do Estado no financiamento da gratuidade das escolas infantís galegas.

Denuncia e revogación do Concordato coa Igrexa Católica e, nomeadamente, dos Acordos vixentes coa Santa Sé, para avanzar nun Estado verdadeiramente laico.

Neste sentido, será denunciado e renegociado o concordato coa Santa Sé e os acordos coas demais confesións relixiosas.

Elaboración de plans de prevención e de choque para combater a ludomanía, así como a restrición dos anuncios e das promocións das casas de apostas.

Modificar os criterios do bono xove de vivenda, para adecualo á realidade dos pisos compartidos.

Desenvolver un plan de choque para o retorno das persoas mozas emigradas, garantindo unha inserción laboral e un acceso á vivenda dignos.

Destinar 1 % dos Orzamentos Xerais do Estado (PGE) a políticas para a mocidade, transferindo os fondos ás comunidades autónomas

Traspaso dos fondos e competencias relacionadas co fomento da industria cinematográfica e audiovisual galega.

Traspaso á Galiza dos arquivos, bens e fondos documentais, culturais e históricos, que se achan espallados en diversas institucións e organismos do Estado.

Garantir e incrementar a liña de axudas dirixida especificamente a longametraxes, curtametraxes e producións audiovisuais en galego por parte do Ministerio de Cultura.

Demandar a catalogación e dixitalización do patrimonio documental galego depositado en arquivos institucionais de fóra de Galiza

Impulsar medidas dirixidas a eliminar calquera forma de discriminación por razón de xénero e de sexismo nos medios de comunicación, tanto públicos como privados

Impulso e apoio a reformas para lograr maior pluralidade informativa nos medios de comunicación de titularidade pública, especialmente durante as convocatorias de procesos electorais

Exixir o cumprimento dos acordos parlamentares para a recepción dos medios públicos audiovisuais de Portugal na Galiza, así como da RTVG en Portugal

Demandamos do Goberno do Estado a participación da Xunta de Galiza no sistema de cogobernanza dos Proxectos Estratéxicos para a Recuperación e a Transformación Económica PERTE co fin de exercer unha xestión directa desde a Galiza dos fondos NEXT GENERATION

Que se derrogue a reforma promovida polo PSOE e UP sobre a xestión dos Fondos Europeos, que supuxo unha centralización da xestión e mais a eliminación de trámites administrativos e dos controis ambientais nos proxectos.

Que se flexibilicen os procedementos de tramitación de solicitudes e de xestión dos fondos europeos.

Demandar a incorporación dos portos galegos de interese estatal actualmente excluídos da Rede Básica Transeuropea de Transporte.

Transferencia á Galiza dos programas xuvenís europeos como Erasmus ou Interraíl.

Desafección do uso militar de espazos costeiros, castelos e da illa de Tambo, e transferencia da súa titularidade á Galiza.

Cesar decontado o envío de armamento a Ucraína (que non pode máis que axudar a prolongar este conflito) e reforzar o envío de material humanitario.

Anular o compromiso do goberno español de aumentar o gasto militar até chegar a 2 % do PIB estatal, de maneira que se destinen ditos fondos ao incremento de diferentes

Eliminar a política de venda de armamento a réximes ditatoriais e autoritarios, así como a países con intereses neocoloniais, que o empregan para agredir outros pobos; e reforzar o control parlamentario dos datos das exportacións en materia de defensa.

Retirar as tropas do Estado español en misións exteriores que comporten a ocupación ou a agresión militar.

Defender a saída da OTAN e a disolución desta alianza militar do imperialismo.

Unha neutralidade activa do Estado español na guerra de Ucraína e o apoio decidido ás iniciativas que busquen a paz mediante unha saída diplomática e negociada para este conflito.

Anular o cambio de posición do goberno español a respecto do dereito á autodeterminación do pobo saharauí, condenando enerxicamente a ocupación marroquí do Sáhara Occidental, e instando a que o Estado español impulse un referendo de autodeterminación con garantías democráticas.

Condenar enerxicamente o Estado de Israel pola ocupación e colonialismo nos territorios ocupados da Palestina. Recoñecemento do Estado palestino.

Oporse a calquera tipo de tratado comercial internacional que vulnere a soberanía dos pobos e os dereitos sociais, laborais, ambientais e os relativos a unha vida digna e saudábel.